Qarax qasaaro geystay oo Xalay ka dhacay Muqdisho.

.

Shan Ruux ayaa ku dhaawacanta Xalay maqaaxi ku taala Degmada Hodan kana soo horjeeday Saldhiga Degmada waabari ee Magaalada Muqdisho, dhaawaca dadkaani ayaa ka danbeysay ka dib markii ay maqaaxidaasi uu ka dhacay qarax.

Qaraxaani oo ahaa Bamka gacanta laga tuura ayaa la sheegayaa in lagu weerarayay saldhiga Degmada waabari, Balse bamka qoladi tuurtay ku kahdoomeen bamkuna ay ku tuureen maqaaxidaasi ay ku waxyeeloobeen 5 Ruux.

Saraakiil ka Tirsan Saldhiga Degmada waabiri ayaa warbaahinta u sheegtay in ay gacanta ku soo dhigeen gaari nuuca loo yaqaana Rooneed, kaasoo ay ku sheegeen in uu ahaa midkii laga tuuray bam gacmeedka waxyeelada geystay, waxeyna saraakiishaasi Tilmaameen in ay saarnaayeen gaarigaasi 5 Rag ah ayna qaarkood qirteen in gaariga laga dhextuuray bamka.

Ugu danbeentii shantaani Ruux ee dhaawaca uu ka soo gaaray qaraxaani bam gacmeedka ah ayaa isla markiiba uu qaraxa dhacay loola carayay isbitaalada magaalada muqdisho qaarkood, halkaasi oo haatan dhawacoodu lagu dabiibayo.

Mohamed Ali Madka

Muqdisho-Somalia

Email: madkacali@hotmail.com

Tel: 252615573762

Facebook: www.facebook.com/mmadka1

Twitter: www.twitter.com/madkacali