Sadax Ruux oo Xalay lagu Dilay Galkacyo iyo baqdin laga qabo in uu ka qarxo Dagaal Beeleed halkaasi..

.

Wararka ka imaanaya Magaalada Gaalkacyo ee Gobolika Mudug ayaa sheegaya in habeenimadii Xalay Dil loogu geystay Xaafadda Garsoora Galbeedka Magaalada Gaalkacyo Sadax Ruux oo rayid ah, kuwaasoo ahaa wiilal dhalainyaro ah.

Sadaxdaani Ruux ee Dilka loo geystay ayaa la sheegay in dilka ka hor la Doonayay in la kaxeysto, balse ay iska diideen ayna sameeyeen dagaal gacameed sababay in Risaas lagu furo.

Dadka ku dhaqan magaalada Gaalkacyo ayaa sheegay in ay Dilka Xalay ay ka danbeeyeen Meel Beel ka mid ah Beelaha daga Dhanka ay ka Arimiso Maamul Goboleedka Galmudug, waxeyna dadkaasi sheegeen in Sadaxdaani ruux loo dilay Colaad beeleed horay uga dhaxeeyay Beelahaani kala daga Deegaanada ay ka Arimiyaan maamulada Galmudug iyo Puntland.

Ma jiraan wax hadal ah oo ka soo baxay labada maamul eek u aadan dhimashada Sadaxdaani ruux ee dilka loo geystay, inkastoo ay Ciidamadda Puntland markii dilka dhacay ay Howlgal ka sameeyeen isla xalay magaalada galkacyo, Dadna ay u soo qab aqabteen in ay ka danbeeyeen Dilka sadaxdaani Ruux loo geystay

Mohamed Ali Madka

madkacali@hotmail.com

buurhakaba.com, Muqdisho