DAAWO SAWIRADA: Soo dhaweyn qurux badan oo Adis Ababa loogu sameeyay Wafdigii Gudoomiyaha Baarlamaanka Soomaaliya

.

Wafdi uu hogaaminayo Gudoomiyaha Baarlamaanka Soomaaliya Pr. Maxamed Shekh Cusmaan Jawaari ayaa si weyn loogu soo dhaweeyay Magaalada Adis Ababa ee dalka Itoobiya.

Gudoomiyaha iyo wafdigiisa ayaa saaka gaaray magaalada Adis Ababa, waxaana si diiran u soo dhaweeyay masuuliyiin ka tirsan Baarlamaanka dalka Itoobiya.

Markii garoonka diyaaradaha lagusoo dhaweeyey kadib wafdiga Gudoomiyaha Baarlamaanka waxaa lagusoo galbiyey isaga iyo wafdigiisa kolonyo gaadiid ah oo mootooyin ay horkacayeen ayadoo ugu dambeynna loosoo galbiyey hotelka Hilton oo wafdiga Gudoomiyaha ay deganyihiin.

Gudoomiyaha Baarlamaanka Soomaaliya ayaa kulan la qaadan doona qaar ka mid ah xildhibaanada dalkaasi oo uu hogaaminayo afayeenka Baarlamaanka Itoobiya.

Waa socdaalki ugu horeeyay ee uu dalka kaga ambabaxo Gudoomiyaha Baarlamaanka tan iyo marki la soo doortay Bishii August ee sanadki tagay.

Mohamed Ali Mamow

Warbaahinta: Buurhakaba Media