Baarlamaanka oo yeeshay xoghaye & qorshe howleedka 2013 oo la..

.

Gudiyada joogtada ee Baarlamaanka Federaalka Soomaaliya ayaa kulan ay maanta ku yeesheen xarunta Golaha Shacabka ee magaalada Muqdisho waxay ku ansixiyeen qorshe howleedka Baarlamaanka sanadkan 2013, iyadoo sidoo kale sidoo kale guddigaasi ayaa ansixiyay magacaabida xoghayaha guud ee Baarlamaanka oo noqonaya Dr. C/kariin Xaaji Cabdi Buux.

Gudoomiyaha Prof. Maxamed Cismaan Jawaari oo shir guddoominayay kulanka gudiyada joogtada ah ee Baarlamaanka jadwalka xil gudashada Baarlamaanka ee sanadkan 2013 sida howlaha uu Baarlamaanku qaban lahaa maalin walba amaba bil walba ayadoo dood kadibna ay gudiyada joogtadu ansixiyeen qorshe howleedka Baarlamaanka sanadkan 2013.

Ajandaha Labaad ee ay ka hadleen gudiyada joogtada ee Baarlamaanka ayaa ahaa magacaabidda Xogaha Guud ee Golaha Shacabka waxaana ay gudiyada joogtadu ansixiyeen in C/kariin Xaaji Cabdi Buux uu noqdo xoghayaha guud ee Golaha Shacabka.

Sidoo kale gudiyada joogtada ee Baarlamaanka waxay ka hadleen fulinta Istiraatiijiyada Afarta sano ee Baarlamaanka laga doonayo iyo fulinta xeer hoosaadka Baarlamaanka kaasi oo ay horey Xildhibaannada Baarlamaanka u ansixiyeen waxaana ay gudiyada joogtadu dhinacyo kala duwan ka eegeen in sida ay tahay ee loo ansixiyey loo hirgelin doono haduu Alle idmo.

Gudoomiyaha Baarlamaanka Prof. Maxamed Cismaan Jawaari ayaa aad u ammaanay Horumarka Xildhibaannada ku maqan gobollada Dalka ay sameeynayaan waxaana uu gudoomiyaha ku guubaabiyey Mudaneyaasha Baarlamaanka iney sii xoojiyaan howlaha ay shacabka u hayaan.

Mohamed Ali Mamow

Warbahinta Buurhakaba.com.