Shirkada Isgaarsiinta Nationlink oo maalintii 3aad hawada ka maqan

  Monday January 14, 2013 TWITTER FACEBOOK PRINT THIS PAGE SEND TO YOUR FRIEND  
Shirkada Isgaarsiinta Nationlink oo maalintii 3aad hawada ka maqan .Shirkada Isgaarsiinta Nationlink oo ah shirkada labaad ee sida aadka ah loo isticmaalo ayaa maalintii 3aad hawada ka maqan tahay, iyadoo macaamiisha ku xiran shirkadaas ay soo wajahday isgaarsiin la'aan.

Warar kala duwan ayaa ka soo baxaya sababaha ay hawada uga maqan tahay, waxaana wararku sheegayaan in cilad farsamo iyo ballaarin ay hawada ugu maqan tahay.

Laakiin warar kale ayaa iyana sheegaya in khilaaf awgii ay hawada ugu maqan tahay, taasoo la xiriira raga saamiga ku leh Shirkada.

Inkastoo aanu jirin war si toos ah uga soo baxay Maamulka Shirkada ayaa hadana waxaa labadii maalmood ay dadka ku dhaqan Gobolada dalka ay wax iska weydiinayeen sababaha hawada ugu maqan tahay.

Shirkada Isgaarsiinta Nationlink ayaa ah shirkada labaad ee loogu isticmaal badan yahay, iyadoo horay u jiray dagaal dhinaca Isgaarsiinta ah oo kala dhaxeeyay shirkada Hormuud oo ah shirkada loogu isticmaalka badan yahay.

Labada Shirkadood ayaa dhowr sano ka hor taleefanadooda is wici jiray, hase ahaatee wixii ka dambeeyay 2010 ayaa waxaa meesha ka baxay xiriirkii labada dhinac u dhaxeeyay, waxaana taas ay keentay inay kala xirantaan qadadkooda oo ay is wici waayaan.

Qofka heysta Taleefanka Nationlink ayaa wici karin qofka kale ee isticmaala Hormuud, taasna waxay sababtay in dadka ay sameystaan taleefano labo Kaarle ah, si qofka taleefan kale heysta uu u haleelo.

Isgaarsiinta Soomaaliya ayaa tan iyo bur burkii dalka ay sii ballaaranayeen, iyadoo Soomaaliya ka howl galaan ilaa afar shirkado isgaarsiin oo ay saami ku leeyihiin dadka Soomaaliyed.

Mohamed Aadan Abdiladhiif
Warbahinta buurhakaba.com

NO COMMENTS

ADD YOUR COMMENT:

*

*

*

  RELATED ITEMS  
   
  MOST READ  
   
  LATEST NEWS