Taliska Militariga SH/Hoose oo ka warbixiyay Qarax xalay Wanlaweyn lagula eegtay Ciidamada dowladda.

Cumar Cali Caddoow oo ah Abaandullaha ururka 3-aad ee ciidamada Militaarka dowladda somalia ee ku sugan gudaha gobolka Shabelaha Hoose

Cumar Cali Caddoow oo ah Abaandullaha ururka 3-aad ee ciidamada Militaarka dowladda somalia ee ku sugan gudaha gobolka Shabelaha Hoose oo u waramayay Dalsan Radio ayaa ka warbixiyay qarax xalay lala eegtay ciidamada dowladda somalia oo ku sugnaa degmada Wanlaweyn ee gobolkaas.

Taliye Cumar Cali Caddow ayaa sheegay inaysan wax qasaaro ah kasoo gaarin weerarkaas qarax lala beegsaday ciidamada dowladda somalia oo lagu weeraray qarax bambaano fariisin ay ku lahayeen ciidamadaas degmada Wanlaweyn ee gobolka Shabelaha Hoose.

“Degmada Wanlaweyn wax sidaas u weyn kama dhicin mar ay ahayd halka saac ee fiidkii ayaa ciidan Roondo ah oo magaalada wareegayay oo raba inay ka hor tagaan wixii falal amaan darro ah sababi kara ayaa meel ay marayeen waxaa looga soo tuuray Bam wuxuuna ku dhacay ciidanka gadaashiis qof ka tirsan ciidamada oo wax ku noqotayna ma jiro ayuuu yiri Taliye Cumar Cali Caddow.

Ma jiro wax war ah oo kasoo baxay AL Shabab oo ku aadan qaraxaan

Maxamed Cali SHitaawe